Dostlar, süni zəka sahəsində startap qurmaq istəyirsinizsə, indi tam vaxtıdır!
ABB, Mastercard və ADA Universiteti bir araya gəlib və ölkənin ən diqqətçəkən AI Startup Challenge müsabiqəsini elan ediblər. Bu, sadəcə hackathon deyil — bu, real nəticə çıxaran, məhsul yönümlü və gələcəyi olan ideyaların yarışdığı bir platformadır.
Nə baş verir?
Komandanı qurursan, qeydiyyatdan keçirsən və səhnəyə çıxıb yalnız 3 dəqiqə ərzində ideyanı təqdim edirsən. Hər şey çox konkret və realdır.
Ən yaxşı komandalar 10,000 AZN-lik mükafat fondundan pay alacaq.
Amma əsas dəyər mükafatda deyil…
Səni daha nələr gözləyir?
💸 Mükafatlar: 1-ci yer – 5,000 AZN, 2-ci – 3,000 AZN, 3-cü – 2,000 AZN
🧠 Peşəkar mentorluq: Yalnız ideyanı deyil, onun icrasını da düşünəcəksiniz
🔧 Məhsul yönümlü dəstək: Hədəf – MVP və potensial biznes model
🤝 Şəbəkə imkanı: Bank sektorunun, texnologiya və startup ekosisteminin liderləri ilə tanışlıq
Kimlər iştirak edə bilər?
Şərtlər çox sadədir:
- Komanda: 2–5 nəfər
- Mövzu: Süni Zəka əsaslı olmalıdır
- Komandada 1 texniki şəxs olması kifayətdir
Əgər sən düşünürsənsə ki, “Məndə ideya var, amma kod yazmağı bacarmıram” – bu, problem deyil. Ətrafında bir developer dost tap, bir komanda qur və başla.
Qeydiyyat üçün son tarix: 28 iyun
Yəni bu fürsət keçici bir pəncərədir. Hazırsansa, indi müraciət et. Yoxsa o səhnəyə başqası çıxacaq.
Və ən maraqlı hissə…
Mən də bu il jüri heyətində iştirak edəcəyəm 😉
Mən startap ekosistemində real nəticələrə fokuslanıram. Təqdimat zamanı əsas 3 bu şeyə fikir verəcəm:
- Problem – konkret və realdırmı?
- Həll – texniki olaraq mümkün və praktikdirmi?
- Potensial – bu ideya satış və istifadəçi gətirə bilərmi?
Əgər bu üçünü çatdıra bilsən – sən artıq demək olar ki, qaliblər sırasındasan =) Amma təbii ki, digər vacib nüanslar da var, ona görə yaxşıca hazırlaşın 😉
Əgər sən də öz ideyana güvənirsənsə, bu sahədə ciddi düşünürsənsə və gələcəkdə bu sahədə bir ad yaratmaq istəyirsənsə – bu hackathon ilk addımın ola bilər.
