İnternetdən dollarla pul qazanmağın yolları ( 2020 )

Böhranda internetdən sınanmış yollarla pul qazanmaq

Bəlkə də bu yazımı oxuyanların bəziləri məni qınayacaqlar ki, onların işinə sizidə qoşuram =) Lakin, dolların manata nisbətdə bahalı olduğu bu böhran dönəmində, internetdən qazanc əldə etmək həm bizlər üçün ən uyğun variantdır, həmdə ölkəyə xaricdən pul gətirməklə dövlətə dəstək olmuş olarıq.

Sizlərə bu yazımda yığcam və dəqiq necə və hansı yolla internetdən pul qazanmağı izah etməyə çalışacam.İnternetdən pul qazanmağın bir neçə yolu var.

Əgər fotoqrafsınızsa çəkdiyiniz şəkilləri sata bilərsiniz, dizaynersinizsə hazırladığınız dizaynları sata bilərsiniz, proqramçısınızsa freelancer olaraq saytlardan iş götürüb işləyə bilərsiniz və ya youtube, fiverr və s. saytlardan pul qazana bilərsiniz.

Dizaynerəm, internetdən necə pul qazana bilərəm?

• designcrowd.com  saytında qeydiyyatdan keçərək. Orada dizayn sifarişləri müsabiqə formasında olur və sizin kimi digərləridə eyni iş üçün dizayn hazırlayır. Sifarişçi hansı işi bəyənirsə onu seçib pulun ödəyir. Azərbaycanda bu sayt ilə gecə gündüz işləyib qazananlar çoxdur. Hesabınızdakı pulları Skrill ödəmə sistemi vasitəsilə ala biləcəksiniz.
• fiverr.com saytında qeydiyyat olaraq orada belə bir elan verə bilərsiniz. “I will design logo for you ” – Mən sizə loqo hazırlayacam. Bu saytda loqo qiyməti 5$ olduğu üçün sifarişlərdə çox olur. Qiymət 5$ olur, lakin əlavə xidmətlər ( Loqonu vektor formada vermək üçün əlavə pul almaqla)  qeyd etməklə bu qiyməti artıra bilərsiniz. Fiverr.com ilədə işləyənlər Azərbaycanda çoxdur. Azərbaycana ödəniş edir.

Qeyd:  Belə saytlar çoxdur, məsələn 99designs.com saytıda var. Lakin ən məsləhətliləri yuxarıda qeyd etdiklərimdir.

Fotoqrafam, şəkillərimi satmaqla necə pul qazanım?

• shutterstock və fotolia.com  saytı ilə şəkillərinizi satışa çıxarıb sata bilərsiniz. Bir şəkili bir neçə nəfər ala bilər.

Nə fotoqrafam nədə dizaynerəm. Bəs mən necə pul qazanım ?

• youtube.com ilə. Maraqlı və baxılacağına əmin olduğunuz, özünüzün çəkdiyiniz videoları youtube-a yükləyin və youtube hesabınızı Google Adsense-ə qoşun. Videonuzdakı reklama klik olunduğunda hesabınıza pullar gəlməyə başlasın.
• Mənim kimi belə bir bloq açın və içinə bildiyiniz sahədə sırf özünüzün fikirləri olan məqalələr yazın. Daimi istifadəçiləriniz olarsa bloqunuza Google Adsense ilə reklam yerləşdirilib pul qazana biləcəksiniz.  Gələcək yazılarımda bu bloqu necə açdığımı da sizə izah edəcəm.
• Freelancer saytlarında qeydiyyatdan keçərək ( Məs. www.freelancer.com) pul qazanmaq mümkündür. Hər hansısa bildiyiniz bir sahədə sifarişçinin işini görə bilərsiniz. Belə saytlarda ilk öncə ucuz qiymətdən iş görməyinizi məsləhət görürəm ki, reytinq toplayasınız. Reytinqiniz çoxaldıqdan sonra qiymətidə rahatlıqla artıra bilərsiniz.
• Maraqlı mobil proqram və ya oyun yaratmaqla bağlı ideyanız varsa, həyata keçirsəniz daha çox qazana bilərsiniz. Proqram və ya oyununuzu istəsiniz pulla sata bilərsiniz, istərsəniz də proqram daxilində reklamlar yerləşdirib onlardan pul qazana bilərsiniz. Mobil proqram yaratmağın mərhələləri  haqqında yazmışdım. Növbəti yazılarımda isə mobil proqramları sıfırdan yaratmağı izah edəcəm.

Cashback ilə pul qazanmaq

Cashback pulların qaytarılması mənasını ifadə edir. Onlayn alış-verişlərdə isə bu termin alıcının aldığı məhsula xərclədiyi pulun bir hissəsinin geri qaytarılması deməkdir. Belə ki, alıcı alış-veriş etdikdən bir müddət, məsələn 1 ay sonra məhsul üçün ödədiyi məbləğin bir hissəsini geri alır.

Daha sadə dillə desək, bəzi online mağazalar hər hansı məhsulu məhz onlardan almağınız qarşılığında sizə cashback təklif edirlər. Məsələn, 200 AZN-lik bir telefonu onlardan əldə etdiyinizdə sizə 40 AZN cashback vəd edir. Bunu bir növ endirim kimi də qəbul edə bilərsiniz. Lakin burada geri qaytarılma alış-veriş anında deyil, 1 ay kimi müddət ərzində qaytarılır.

Cashback sistemlərindən ən yaxşısı hal-hazırda MEGABonus-dur.

Şəkildən də gördüyünüz kimi, megabonusa yenicə qoşulmağıma baxmayaraq artıq 33$  hesabdan pul çıxarmışam, 100$ isə qısa müddət ərzində hesaba oturmağı gözlənilir. Burada əsas qazanc referrallar yığmaqdır. Sizin vasitəsinizlə dostlarınız qeydiyyatdan keçsə və onlar da cashback sistemindən istifadə etsə siz bonus qazanacaqsınız bundan. Aliexpress, booking.com  kimi saytlardan alış veriş edənsinizsə mütləq megabonusu istifadə edin, pulunuz geri qayıtsın. Megabonusa qoşulmaq üçün buyurun qeydiyyatdan keçin.

Globus-Inter ilə pul qazanmaq (artıq işləmir)

2013-cü ildən bəri xarici ptc (reklamlara klik edərək pul qazanmaq) saytları arasında ən güvənlisi sayılır. Açıldığından bu zamana qədər bütün ölkələrdən 1 milyon üzvlüyə sahib olan Globus-inter  internet üzərindən pul qazanmaq istəyən istifadəçilər üçün reklam başına qazandırdığı pul miqdarı tərəfdən olduqca məhşur və etibarlı bir saytıdır.

Globus-İnterlə pul qazanmaq üçün heç bir xüsusi bacarıq tələb olunmur.

Globus-interin mobil tətbiqləri vasitəsilə siz öz telefonunuzdan hesabınızı idarə edə və pul qazana bilərsiniz.

Globus-inter ödəmələrinizi Paypal və Webmoney hesablarınıza ödəyir. Standart üzvlər hesablarındakı pulu minumum 0.50 $ (minimum 100 klikdən sonra) olduğunda ilk ödəməyi istəyə bilərlər.
Müsbət cəhəti onun referal proqramıdır ki, əlavə qazanc imkanları yaradır. Referal link ilə dostlarınızıda Globus-interə cəlb etməklə qazancınızı daha da artıra bilərsiniz .

Alış-veriş saytı aç, dollarla pullar qazan. (hələ də aktualdır)

2008-ci ildən etibarən şəxsən özüm Dropshipping deyilən bir bizneslə məşğulam.

Dropshipping nədir ?  – Alış veriş saytı açırsınız, Aliexpress.com-a girib ordakı məhsulların şəkillərini yerləşdirirsiniz öz saytınıza.Qiymətinidə 2-3 dəfə baha edirsiniz.

Mən məsələn, 3$-lıq məhsulu elə olurki 20$-dan rahatlıqla sata bilirəm. 2-3$-ı reklamına xərcləyirəm, 3$-ı məhsula xərcləyirəm təxminən 15$ gəlir əldə olunur. Müştəri məhsulu sifariş verəndə təbii ki, bu məhsul sizdə olmur, və siz aliexpress.com girərək eyni məhsulu sifariş verirsiniz və ünvan yerinə sizdən sifariş verən müştərinin adını və ünvanını qeyd edirsiniz.

Aliexpress-dəki satıcıya qeyd vasitəsilə bildirirsinizki siz dropshippersiniz və heç bir halda invoys və reklam xarakterli heçnə olmasın göndərilən paketdə. ” I am dropshipping this, Please don’t include any invoice or promotional materials” Thanks.   Bu formada yaza bilərsiniz.

Saytınızı yaratmaq üçün isə shopify.com -da qeydiyyatdan keçərək yarada bilərsiniz. Daha ətraflı …

Bu mövzuda çox yazmaq olar. Növbəti yazılarımda, internetdən sınanmış pul qazanmağın digər yolların izah edəcəm. Əlavə nə suallarınız olarsa şərh vasitəsilə yazın, cavablayım.