Sürətlə açılan səhifələr sayta baxış sayını artırır və SEO-ya yardım edir. Buna görə də peşəkar sayt sahibləri onu hər zaman sürətli etməyə çalışır. WordPress-də qurulmuş saytları olanlar bu yazını oxuyarsa, saytın sürətini və performansını optimallaşdırmaq onlar üçün asanlaşacaq.

Saytın sürətli olması niyə vacibdir?

Araşdırmalara görə 2000-2020-ci illər ərzində insanların orta diqqəti 12 saniyədən 7 saniyəyə enib. Sayt gec yüklənirsə, istifadəçilər hətta səhifə açılmamış çıxıb gedə bilər. Araşdırmalara görə hətta 1 saniyə gecikmə belə səhifəyə baxış sayını 11%, müştəri məmnuniyyətini 16% aşağı salır.

Bundan başqa, Google yavaş açılan saytları axtarış nəticələrində aşağı sıralara atmaqla cəzalandırır.

Saytın sürətini necə yoxlamaq olar?

Saytın sürətini yoxlamaq üçün WordPress speed test-dən istifadə edin. Səhifə yüklənməsi üçün yaxşı sürət 2 saniyədən aşağı hesab olunur.

WordPress-də saytın sürətini nə aşağı salır?

  • Veb Hosting – hostinqiniz düzgün konfiqurasiya olunmadıqda sürət aşağı düşə bilər
  • WordPress konfiqurasiyası – keş səhifələrə xidmət etmirsə server yavaşlayır
  • Səhifə ölçüsü – veb üçün optimallaşdırılmamış şəkillər
  • Pis kodlaşdırılmış plugin-lər
  • Xarici skriptlər – reklam banerləri, əlavə fontlar

WordPress Caching plugin-i quraşdırın

WordPress səhifələri dinamikdir. Hər dəfə kimsə səhifəyə giriş etdikdə o, istifadəçi üçün hazırlanmağa başlayır. Buna görə bütün WordPress istifadəçilərinə Caching plugin-dən istifadə etməyi məsləhət görürəm. O, səhifələrin 2-5 dəfə daha sürətli açılmasına kömək olacaq.

WP Rocket (premium) və ya WP Super Cache (pulsuz) plugin-lərini məsləhət görə bilərəm.

Şəkilləri optimallaşdırmaq

Şəkillər kontentinizə yeni nəfəs verir. Araşdırmalara görə rəngli şəkillərdən istifadə kontentin oxunması ehtimalını 80% artırır. Lakin şəkilləriniz optimallaşdırılmayıbsa, onlar sürəti aşağı salır.

Mən yalnız JPEG və PNG formatlı şəkillərdən istifadə edirəm. Şəkil çox rənglidirsə JPEG, sadə və şəffaf şəkil üçün PNG seçirik.

WordPress-i sürətləndirmək üçün əlavə məsləhətlər

  • WordPress və plugin-ləri mütəmadi yeniləyin
  • Ana səhifədə məqalənin xülasəsini göstərin, tam mətn əvəzinə
  • Şərhləri səhifələrə paylaşdırın
  • Content Delivery Network (CDN)-dən istifadə edin
  • Audio/video faylları YouTube, Vimeo kimi platformalarda saxlayın
  • Sürət üçün optimallaşdırılmış şablon seçin
  • Uzun postları səhifələrə ayırın
  • DNS səviyyəli vebsayt firewall-dan istifadə edin
  • Ən son PHP versiyasından istifadə edin

Məqalə ilə bağlı fikirlərinizi yazmağı unutmayın. Daha çox məlumat əldə etmək üçün bloqumu izləyə bilərsiniz.