Inmerge Innovation Summit, Pasha Holdingin təşkilatçılığı və Trendyol Group-un dəstəyi ilə 3-cü dəfə Azərbaycanda həyata keçiriləcək. 30 Noyabr-1 Dekabr tarixlərində baş tutacaq tədbirin əsas məqsədi innovasiya və startap sahəsində olan yenilikləri nümayiş etdirməkdir. Həmçinin, bu tədbirdə Azərbaycan startap ekosistemi daha beynəlxalq və qlobal mühitdə özünü sınamaq şansı qazanacaq.
İl sonu İnnovativ ənənə
Innovation Summit artıq 3-cü ildir ki, Azərbaycanda həyata keçirilir. Bu tədbirdə ekosistemin iştirakçıları bir araya gələrək, nailiyyətlərini nümayiş etdirmək üçün fürsıt tanıyırlar. Azərbaycan son illərdə startaplar üçün sürətlə böyüyən bir ekosistem özünü isbat etmişdir.
Qonaqlar
Builki tədbirin diqqətəlayiq məqamlarından biri, məhz spiker qismində iştirak edən qonaqlardır. Bu qonaqlar arasında, Apple şirkətinin qurucularından Steve Wozniak, Netflix platformasının qurucularından Marc Randolph, Shazam platformasının yaradıcısı Chris Barton, Trendyol Group‘un direktoru Çağlayan Çetin, Pasha Holding’in baş icraçı direktoru Cəlal Qasımov və d. spikerləri qeyd etmək olar.
əvvəlki illərdə olduğu kimi Innovation Summitin fokusu qlobal təcrübəni ekosistemə inteqrasiya etməklə böyüməkdə olan bazarın inkişafına töhfə verməkdir. Başqa sözlə, bu tədbir qlobal və lokal liderlər arasındakı körpünü yaradan platformadır.
Builki Inmerge Innovation Summitin əsas Hadisələri
Tədbirdə spikerlərin çıxışlarından əlavə əsasən maraqlı panel diskussiyalar da nəzərə alınmışdır. Tədbirin digər maraqlı hadisələrindən biri isə workshoplardır. Həmçinin, tədbir daxilində müxtəlif startapların nümayəndələri fərqli istiqamətdə məhsullarını təqdim etmək fürsəti tapacaq. Tədbirin Agendası ilə tanış olmaq üçün linkə keçid edərsiniz.
Startaplar üçün fürsət
Maraqlı söhbətlər arasında isə startaplar, məhsullarını münsiflər və investorların qarşısında təqdim edəcəklər. Bu tədbirdə startapçılar layihələrini daha böyük müstəvidə və qlobal bir zəmində paylaşmaq şansı qazanır. Ondan əlavə, iştirak edən spikerlərin təcrübəsindən istifadə edib qlobal bazarın təcrübəsinə yiyələnəcəklər.
Inmerge Innovation Summitin bir digər böyük üstünlüyü isə, ekosistemdəki iştirakçıların bir araya gəlməsi və bir-biriləri ilə bağlantı qurmağa imkan tanıyan netvörkinq sessiyalarıdır. Bu, startapların, investorlarla, münsiflərlə və digər startaplara doğrudan əlaqələr qurmağa və əməkdaşlıqların təşkil edilməsinə şərait yaradan dəyərli bir fürsətdir.
Bu tədbirin Azərbaycan startap ekosisteminin qlobal bazara inteqrasiyasında böyük töhfəsi olacaq. Siz də startap kimi müraciət etmək istəyirsinizsə inmerge.az saytına keçid edib “Apply as Statup” bölməsindən qeydiyyatdan keçə bilərsiniz.
Ən sonda isə qeyd etməli olduğum məqam isə, tədbir üçün biletlərin 10 sentyabradək 70 faiz endirimlə 150 dollardan satış olmasıdır. Bu beynəlxalq tədbirdə yerinizi almaq üçün tələsin.
Son şərhlər