Bu yazıda 2024-cü ildə asan yolla YouTube-da abunə əldə etməyi öyrənəcəksiniz. Bu bloq yazımda şəxsi YouTube kanalımı heç bir vəsait ayırmadan, sıfırdan 24.4K abunəyə qədər artırmaq üçün istifadə etdiyim strategiyaları göstərəcəyəm.
1-ci qızıl qayda: “Playlist”-dən istifadə edin
İlk olaraq, YouTube kanalında “playlist”-lərın olması alqoritm ilə kanalın nüfuzunu fəal şəkildə artırır. Videolarımı “playlist”-da qeyd edərkən, alqoritmdən məzmunumun nümayiş olunmağa layiq olduğuna işarə edirəm və nəticədə yeni izləyicilər əldə etmək şansını artırıram.
Yalnız izləyiciləri maraqlandırmaq deyil, “playlist” izləyicilərimə videolarımın seçilmiş kolleksiyasına baxarkən abunə düyməsini basmaq üçün əla bir fürsət verir. Hətta, bir izləyici videonu izləyib, bitirəndən sonra bu onun növbəti videoya baxması üçün şirnikləndirir. Beləliklə, təcrübəmdə “playlist”-lardan istifadə YouTube-da daha çox abunə cəlb etmək üçün qızıl qaydalarımdan biridir.
2-ci qızıl qayda: Uzun müddətli videolar paylaşın
Aparılan araşdırmaların əksəriyyətində müşahidə olunur ki, YouTube-da yayımlanan video müddətinin uzun olması YouTube-nın axtarış motorlarına müsbət təsir göstərir. Yəni izləyici YouTube-da axtarış edərkən sizin videonuzu asan şəkildə tapıb, izləyə biləcək.
Məsələn, bu videomu 1 il öncə Zəngilanda olarkən çəkmişdim. Müddəti isə 30 dəqiqədən çoxdur. YouTube alqoritmi buna ayırılan əziyyətin çox olduğunu düşünüb, videonu izləyiciyə rahat şəkildə çatdıra bilməsi üçün şərait yaradır. Reklama büdcə ayırmadan videonun 25 minə yaxın insanın izləməsi də çox şey deyir.
3-cü qızıl qayda: Videoya “End Screen” əlavə edin
Sual budur: İnsanları 2, 5 və ya hətta 10 videonuzu izləməyə necə məcbur edirsiniz?
- Videonuzun bitməsinə son 15-20 saniyə qalmış kadrda başqa videonuzun linkini yerləşdirin.
Kanalımdan bir nümunə:
Bu videomunun axırına “ZƏNGİLANIN AĞALI KƏNDİNDƏ 2 GÜN KEÇİRDİM | ZANGILAN – DAY 1 VLOG” videosuna keçid üçün link yerləşdirdim. Bu da linkini yerləşdirdiyim videonun baxış və layk sayına əhəmiyyətli dərəcədə müsbət təsir göstərdi.
4-cü qızıl qayda: Videonun kəmiyyətinə deyil, keyfiyyətinə fokuslanın
Zənn edirəm ki, “Kanalınızı inkişaf etdirmək istəyirsinizsə, mütəmadi olaraq video yükləməlisiniz.” kimi frazaları çox eşitmisiniz, lakin iş təkcə video yükləməklə bitmir. YouTube kanalınıza çoxlu sayda abunə cəlb etmək üçün videolarınız düzgün strukturda və yüksək keyfiyyətdə olmağı vacib nüansdır.
Az öncə ki, qaydalarda misal çəkdiyim bu videoya nəzər yetirsəniz, yalnız kəmiyyətinə önəm verən kanalların çəkdiyi videollardan necə fərqləndiyini rahatlıqla görə bilərsiniz.
Videonun keyfiyyətini artırmaq üçün nələrə nəzarət edilməli?
- “Thumbnail”: Videonun örtük şəkili diqqət cəlbedici formada hazırlanmalıdır. Bunun üçün peşəkar dizayneriniz yoxdursa, Canva.com vebsaytında pulsuz şəkildə rahatlıqla hazırlaya bilərsiniz.
- Görüntü: Videonun daha çox izlənməsi üçün görüntünün minumum 1080p60-da olması məsləhətdir. Bu rəqəm 4K-ya qədər qalxa bilər.
- Struktur: Kontenti yaradarkən diqqət etməli olduğunuz məqamlardan birisi strukturdu. Struktur əsasən başlanğıc, orta, xülasə hissələri ilə ortaya çıxır. İzləyicini videonu izləməyə şirnikləndirmək üçün hər hissə üçün maraq cəlbedən ssenari vəya plan hazırlasanız, struktur ilə bağlı artıq bir probleminiz qalmayacaq.
- Səs: Videolarda səsinizin səlis və professional formada çıxması keyfiyyətə təsir göstərən amillərdən biridir. Bunun üçün yerli mağazaların birindən mikrofonlar ala bilərsiniz vəya Chapple.ai vebsaytından pulsuz şəkildə qeydiyyatdan keçərək “AI Voiceover” xidmətindən yararlana bilərsiniz. Xidmət sizin videonuzun arxa planı üçün nitqləri professional formada səsləndirəcək.
5-ci qızıl qayda: Yazılan şərhlərə cavab verin
Bu, daha çox abunə qazanmağın ən asan yollarından biridir. Kanal sahibi izləyici ilə əlaqə qurmaq üçün vaxt ayırdıqda, bu, digər izləyicilərin iştirakını təşviq edə bilər və nəticədə izləyicilərin artmasına səbəb ola bilər.
6-cı qızıl qayda: Peşəkar ikon və örtük şəkili
Kanala daxil olub, kontenti nəzərdən keçirmək istəyənlərin 98 faizi kanalın ikon və örtük şəkilinə baxır ki, “bu kanalın videolarını izləməyə dəyər mi yoxsa yox?”.
Odur ki, şəxsi brenddirsə, tək özünüzün fotonu ikon bölməsinə yerləşdirə bilərsiniz. Şirkətdirsə, şirkətin loqosunu yerləşdirin. Seçim sizə qalıb, lakin diqqət edilməli faktor şəkilin keyfiyyəti, pikseli və rəngidir.
Örtük şəkilinə gəldikdə isə bura “ad və soyad” və yaxud özünüzü, brendinizi, gördüyünüz işin təsvirini göstərən bir dizayn düzəldib, örtük şəkil bölməsinə yerləşdirə bilərsiniz.
Əgər özünüz üçün ikon yaratmaqda çətinlik çəkirsinizsə, Logo yaratmaq üçün 5 ən yaxşı sayt adlı bloq postum sizin üçün faydalı olar.
7-ci qızıl qayda: YouTube-da daha çox baxış vaxtı
Baxış vaxtı YouTube SEO sıralamasında son dərəcə vacib bir amildir. Bu yalnız YouTube SEO optimallaşdırması üçün deyil. Daha çox baxışa sahib videolar YouTube-nın ana səhifəsində təbliğ olunur.
Buna görə YouTube deyir: “İnsanları YouTube-da kontentinizi izləməkdə nə qədər uzun müddət saxlaya bilsəniz, kontentiniz daha çox izlənilər.”
Sual budur: Baxış vaxtınızı necə artırırsınız?
- Video daxilində ikon ( Brend loqosu, motion, və s.) istifadə olunması. Bu izləyicinin diqqətini cəlb edib, videonu daha çox izləməsinə səbəb olacaq.
- Düşündürən vəya yadda qalan frazalarda önəmli rol oynayır. Videonu izləyən öz mobil telefonu ilə frazanı görüntüyə ala bilməsi üçün videonu geri çəkib, təzədən izləyə bilər. Bu da baxış vaxtının artırmasına şərait yaradacaq.
YouTube kanalınızı optimallaşdırmaq istəyirsinizsə, Reel agentliyinə müraciət edə bilərsiniz. Bizim peşəkarlardan ibarət komandamız sizin üçün kanalı qısa müddət ərzində daha yaxşı yerlərə gətirəcək.
