Ən effektiv online biznes (2021)

2021-ci ildə ən effektiv online biznes qurmaq üçün tələb olunanlar:

Maksimum investisiya : 15-150$ ( domain və hostinq xərcləri üçün ) + 1 saat vaxt

OxşarYazılar

Shopify ilə dropshipping: Addım-addım şəkilli izahla

17 Oktyabr 2022

Səhm nədir və Azərbaycanda xarici şirkətlərin səhmlərini hansı yolla almaq mümkündür?

24 Noyabr 2021

Hazır online biznesləri harada alıb-satmaq olar?!

29 Mart 2021

Haçansa öz şəxsi geyim brendinizi yaratmaq barədə düşünmüsüz?

Mən əvvəllər ən az 5 dəfə öz şəxsi geyim mağazamı qurub, zövqümcə olan geyimləri satmağı istəmişəm. Bu, ən çox mağazalarda istədiyim geyimləri tapa bilməyən vaxtlarda baş verib.

Bir gün oturdum və istədiyim brendi yaratmaq üçün keçməli olduğum bütün proseslər barədə əməlli-başlı düşündüm. 

• Geyimi dizayn etməyi öyrənməliydim və ya dizaynerlər işə götürməliydim.
• Bütün geyimləri saxlamaq üçün bir yer kirayə tutmalı idim.
• Yeni sifarişləri təhvil alması üçün bir nəfəri işə götürməliydim.
• Anbarımda hər ölçüdən kifayət qədər malımın olması üçün öncədən sifarişlər verməli idim.
• Ən əsası isə başlamaq üçün investisiyaya ehtiyacım var idi.

İndi düşünürəm, yaxşı ki, özümü elə bir çətinliyə salmamışam.

İndiki dövrdə, internetin sürətlə inkişaf etdiyi bir vaxtda hər şeyi qurmaq çox sadədir.

WordPress və Printful adlı şirkətlərin sayəsində heç bir investisiyaya ehtiyac olmadan və işçi belə işə götürmədən də geyim mağazamızı aça bilərik. Bəli bu qədər sadədir ! İnsanlar bu yolla məhşur geyim brendlərinin sahibləridir və ildə milyonlarla dollar qazanırlar.

Çoxlarının bu biznes ideyasını öz kurslarında minlərlə dollara satdığı bir vaxtda bu addım-addım təlimatı tamamilə pulsuz bölüşürəm sizlə. Sonraya saxlamayın və yazını oxuduqdan dərhal sonra işə başlayın.

Printful nədir?

Printful sizin hazırladığınız dizaynları geyim və digər məhsullar üzərində çap edən şirkətdir. Məhsul çap olunduqdan sonra şirkət bu məhsulu müştərinizin ünvanına göndərir.

Beləliklə də, kimsə sizin saytınızdan bir məhsul sifariş verdikdə, bu sifariş birbaşa Printful-un məlumat bazasına ötürülür və bir neçə saat ərzində məhsul hazırlanır. Daha sonra isə bu çap şirkətinin işçiləri onu müştəriyə göndərir.

Bütün bu proseslərdə sizin iştirakınız 0-a bərabər olur. Onlayn mağazanızı quraşdırdıqdan sonra elə bilin ki, sizin şəxsi çap şirkətiniz olacaq, amma özünüz pul qazanmaqdan başqa heç bir iş görməyəcəksiniz.

Ümumi prosesdə sizin görəcəyiniz iş vebsayt quraşdırmaq və onu öz mağazanızla və Printful ilə əlaqələndirmək olacaq.

Printful ilə geyim markası yaratmaq üçün sizə nə lazımdır?

Əlbəttə ki, birinci növbədə sizə bir vebsayt hazırlamaq lazımdır. Vebsaytı qurmaq üçün aşağıdakılar tələb olunur:

• Domen adı: Domen sizin yeni brend mağazanızın adı olacaq. Domeni təqribən 15$-a ala bilərsiniz.

• Hostinq: Hostinq saytınızın internetdə tutduğu sahədir. Loru dillə desək, elə bilin ki, ev tikmək üçün əvvəlcə siz bir sahə almalısınız. Ev sizin saytınız, hostinq isə həmin sahədir. Domen və hostinq almaq üçün Siteground və ya Bluehost saytlarını məsləhət görürəm.

WordPress-i quraşdırmaq: WordPress platforması ilə siz çox sadə üsulla özünüz vebsayt hazırlaya bilərsiniz. Bütün dünyada 28%-dən çox sayt WordPress üzərində qurulub.

WordPress şablonları: Mağazanızı dizayn etmək üçün siz şablonlardan (mövzulardan) istifadə etməlisiniz. Nə satmaq və sayt ziyarətçilərində hansı təəssüratı yaratmaq istədiyinizdən asılı olaraq, saytınızı dizayn edə bilərsiniz. Mən şəxsən sizə Total və ya Jupiter şablonundan istifadə etməyi məsləhət görərdim. Ən yaxşı pulsuz şablonlardan biri isə Storefront-dur.

WordPress plugin-ləri: Plugin-lər WordPress vebsaytlarının fuksonallığını artırır.

Printful-a bağlan: Saytınızı yaratdıqdan sonra onu Printful saytına bağlamalısınız. Bu proses çox da çətin deyil.

Əlavə: Siz həmçinin elə etməlisiniz ki, saytınızı çox adam ziyarət etsin. Əks halda, heç kim sizin məhsullarınızı sifariş verməyəcək.

Şəxsi geyim markasını necə yaratmaq olar

Əgər hələ WordPress saytınız yoxdursa, sizə çox qısa zamanda saytı qurmağı öyrədə bilərəm. Gəlin, lap başdan başlayaq. Birincisi, domen və hostinq almaq lazımdır.

Hostinq və Domen

İnternet bazarında xeyli sayda hostinq şirkətləri olsa da, SiteGround ən yaxşılarındandır. SiteGround 1 milyondan artıq sayta hostinq təmin edir. Hal-hazırda Koronavirus ilə bağlı 3 aylıq hostinq paketini 1$-a verdikləri üçün bu yazıda Siteground ilə saytımızı qurmağı öyrədəcəm. Digər yazılarımı oxusanız o yazılarım da Bluehost-dan istifadə etmişəm. Əslində hər 2-si dünyaca məhşur hostinq şirkətləridir, bu dəfə endirim kampaniyasına görə Siteground ilə prosesi izah edirəm.

Hostinq və domen almaq üçün website > Hosting > Choose a plan addımlarını atırsınız.

Online mağaza üçün sizə GrowBig paketini almağı məsləhət görərdim. Bu paketdə mağazaya lazım olan resurslar var. Lakin çox büdcəniz yoxdursa həm test məqsədilə həmdə kampaniyadan yararlanmaq üçün ən ucuz paket olan Startup paketinii 3 aylıq 1$-a ala bilərsiniz.

Növbəti addımda siz mağazanız üçün domen adı seçməli,

Öz şəxsi məlumatlarınızı (ad, e-mail, telefon, kart məlumatları) daxil etməli,

Ən axırda isə sifarişi yerinə yetirmək üçün ödəmə etməlisiniz.

WordPress-i quraşdırmaq

Hostinq hesabınız hazır olduğuna görə artıq WordPress-i quraşdıra bilərsiniz. SiteGround bu prosesi sizin üçün sadələşdirib. Aşağıda sizə WordPress-də sayt hazırlamaq üçün hansı addımları atmalı olduğunuzu izah edəcəyəm. Daha dolğun izah üçün Onlayn mağaza yaratmaq üçün addım-addım təlimat (2020) və 6 addımla sayt yaratmaq və saytdan pul qazanmaq adlı yazılarımı da oxuya bilərsiniz.

Beləliklə, hesabınıza daxil olursuz və My Accounts > Go to cPanel addımlarını yerinə yetirin.

Daxil olduqda Autoinstallers > WordPress addımları sizin üçün quraşdırma panelini açacaq.

Daha ətraflı baxmaq üçün Quraşdır (install) düyməsini sıxın.

WordPress-i quraşdırmaq üçün yer seçməlisiniz. “In Directory” bölməsini domen adı seçənə qədər boş saxlayın. Daha sonra istifadəçi adı, şifrə və e-mail ünvanını daxil edin.

Limit Login Attempts plugin-inini quraşdırmağı sizə məsləhət görürəm. O, sizin vebsaytınıza əlavə təhlükəsizlik qatı əlavə edəcək. Plugin-i konfiqurasiya etdikdən sonra install düyməsinə sıxın.

Bu proses bir neçə dəqiqənizi alacaq. Axırda isə belə bir səhifə alınacaq.

Buradan öz admin panelinizə giriş edib, istədiyiniz dəyişiklikləri edə bilərsiniz.

WordPress şablonu quraşdırmaq

WordPress-i quraşdırıb bitirdikdən sonra online mağazanız üçün şablon seçməli olacaqsınız.

Aşağıdakı nümunədə sizin üçün Storefront şablonunu quraşdıracam.

WordPress admin səhifənizə girmək üçün sizindomen.com/wp-admin ünvanına daxil olun. (Əlbəttə ki, sizindomen.com əvəzinə öz domeninizin adını yazacaqsız.)

Daha sonra admin paneldə növbəti addımları atın: Appearance > Themes > Go to add a new theme > Search for Storefront > Click install

WooCommerce-i quraşdırmaq

Storefront şablonunu aktivləşdirdikdən sonra şablon sizdən WooCommerce-i quraşdırmağınızı istəyəcək. Bunun üçün sadəcə install düyməsini sıxırsınız və aktivləşdirirsiniz.

Plugin aktivləşdikdən sonra yeni quraşdırma paneli açılacaq ki, onun sayəsində öz mağazanız üçün ilkin məlumatları daxil edə biləcəksiniz.

Yaşadığınız ölkəni və istədiyiniz valyuta növünü seçə bilərsiniz.

Növbəti addımda ödənişi qəbul edə bilmək üçün hansı ödəniş üsulundan istifadə edəcəyinizə qərar verməlisiniz.

Göndəriş haqqı bölməsini daha sonra dəyişə bilərsiniz.

Yuxarıdakı plugin-lərin hamısını quraşdırmaq məsləhətdir.

Daha sonrakı mərhələyə keçməmişdən əvvəl deyim ki, WooCommerce-də Rest API-ni də işə salmalısınız. Bunu etmək üçün aşağıdakı addımları atın: WooCommerce tab > Settings > Advanced > Legacy API > Enable

İşinizi tamamladıqdan sonra dəyişiklikləri yaddaşa verməyi unutmayın. Yuxarıda qeyd etdiklərim aktiv olmasa Printful düzgün işləməyə bilər.

Printful-da hesab yaratmaq. Printful-u quraşdırmaq.

Bu mərhələdə biz Printful-da hesab yaratmalıyıq. Bunun üçün ilk olaraq Printful-un saytında daxil olub, qeydiyyatdan keçirsiniz. Printula daxil ol

Adınızı, e-mail və şifrənizi daxil edib, şərtləri qəbul edirsiniz.

Qeyd etdiyiniz e-mail-ə təsdiq linki gələcək. O linki təsdiqləməlisiniz.

Mail-i təsdiqlədikdə link sizi aşağıdakı səhifəyə yönləndirəcək.

Mağazanı yaratmaq üçün yuxarıda işarələdiyim düyməni, daha sonra isə Mağazanı yarat (Create your store) düyməsini sıxın.

Növbəti addımda platformanı seçməlisiniz.

Daha sonra isə WooCommerce seçimini edirsiniz.

Növbəti addımda iki platforma arasında əlaqə yaratmaq lazım olacaq.

WordPress-i Printful-a bağlamaq

WordPress və Printful arasında bağ yaratmaq üçün əlavə bir plugin quraşdırmaq lazımdır. Bu plugin-in adı Printful-dur. Pluginlər səhifəsinə gedərək həmin plugin-ini tapırsınız.

Printful-u quraşdırdıqda sizin üçün belə bir səhifə açılacaq.

Burada Connect (Bağlan), daha sonra isə Approve (təsdiq et) düyməsini sıxın.

Ilk geyim dizaynlarını yaratmaq

Bir az səbrli olsaz, işimizi qurtarmağımıza az qalıb. Növbəti addımda ilk dizaynımızı hazırlayacağıq.

Printful hesabınıza daxil olaraq, Design products (dizayn məhsulları) səhifəsinə keçin.

Burada görəcəksiniz ki, mağazanız bu hesaba bağlanıb və aktivdir. Ilk məhsulunuzu yaratmaq üçün əlavə et  düyməsinə sıxın.

Bu səhifədə dizayn edilməli olan çoxlu məhsullar görəcəksiniz. Mən kişi geyimlərinə gedəcəyəm.

Burada hazır köynəklərdən birinə dizayn vermək istəyirəm.

Bir köynəyin səhifəsinə daxil olub, istədiyim rəngini seçirəm.

Dizayn etmək üçün yuxarıda bir neçə seçim var. Yüklə, mətn əlavə et və s.

Mən bura daha öncə Illustrator proqramında hazırladığım bir mətni əlavə etmək istəyirəm.

Faylı kompüterinizdə tapıb, upload düyməsinə sıxmaq lazımdır. Aşağıdakı kimi bir pop-up səhifə açılacaq. Bu səhifədə “I accept” (Qəbul edirəm) düyməsinə sıxaraq saytın təqdim etdiyi xidmət və şərtlərlə razılaşdığınızı təsdiqləyirsiz.

Şəkil yükləndikdən sonra siz sadəcə faylı seçməlisiniz.

Yazı düz köynəyin üstündə oturacaq. İstəsəz faylın ölçüsünü dəyişə bilərsiniz.

Əgər şəkli çox dartacaqsızsa, böyük fayl göndərməlisiniz.  

Köynəyin ön tərəfi hazır olduqda sonra qollarına və arxasına da dizayn əlavə edə bilərsiniz. Dizaynı bitirdikdən sonra davam etmək üçün Proceed (dava et) düyməsini sıxın.

Siz WooCommerce mağazanıza dizayn etdiyiniz şəkli əlavə edə bilərsiniz. Geyimin hansı tərəfinin saytda əsas şəkil olmasını istəyirsinizsə, həmin şəkli seçib, davam edəcəksiz.

Növbəti mərhələdə köynəyin təsvirini əlavə edin. Gördüyünüz kimi təsvir hissəsinə nümunə mətn yerləşdirilib. Lakin siz mətni dəyişə və ölçülər əlavə edə bilərsiniz.

Növbəti səhifədə məhsullara qiymət qoymalısınız.

Səhifə 3 hissəyə bölünüb:

• Printful price: Printful-un məhsulu hazırlamaq üçün qoyduğu qiymət

• Retail price: Müştərilərinizin ödəyəcəyi qiymət

• Profit: Sizin qazancınız

Printful-un sizə təklif etdiyi qazanc sizi qane edirsə, davam edin. Publish on my site (Saytımda yayımla) bəndini seçib, daha sonra kateqoriyanı seçin.

Seçdiyiniz məhsulları sinxronizasiya edib, saytınızda yayımlamamışdan əvvəl necə görünəcəyinə baxa bilərsiniz.

Köynək saytda belə görünəcək. Beləliklə, 10 dəqiqəyə artıq sizin satmağa məhsulunuz var.

Səhifənin bir az aşağısına getsəz görəcəksiz ki, məhsulun təsviri və ölçülər də əlavə olunub.

Məhsulu səbətə əlavə etsəz görəcəksiz ki, hər şey düzgün işləyir.

Sifarişləri qəbul etməyə başlamamışdan əvvəl axırıncı bir işi də görməlisiniz: Printful-da ödənişi quraşdırmaq.

Bunun üçün Store essentials menyusuna gedib, billing metodlarını quraşdırırsınız.

Bura bank kartınızı və ya PayPal hesabınızı əlavə etməlisiniz. Əgər Paypal hesabınız yoxdursa bu yazımı oxumağı məsləhər görürəm : Azərbaycanda Paypal və Stripe ilə ödəniş qəbul etməyin SİRRİ.

Axırıncı dəfə ödəniş metodunu düzgün qeyd etdiyinizi bir də yoxlayın. Bundan sonra kimsə sizin saytınızdan alış etdikdə, Printful müştərinin hesabından pulu çıxacaq.

Əlavə

Əvvəldə də qeyd etdiyim kimi sizin saytınıza indi ziyarətçi axını lazımdır. Ziyarətçiləriniz olmasa, mağazanı da boş yerə açmısız deməkdir. Bunun üçün saytınızı dayanmadan təbliğ, reklam etməlisiniz.

Yazını bəyəndinizsə, daha çox insanın faydalanması üçün dostlarınızla paylaşmağı unutmayın.

Əlavə nə suallarınız və çətinliyiniz olsa şərh bölməsində qeyd edin, bacardığım qədər kömək eləməyə çalışacam.