Bir çox sahibkar üçün Shopify e-ticarət dünyasına ən asan və rahat giriş yoludur. Öz məhsullarınızı bir yerdən başqa yerə daşımadan, rahatlıqla veb saytlar üzərindən sərgiləyə və istər yerli, istər qlobal müştəri kütlənizə çata bilərsiniz.
Shopify müştərilərinə öz mağazalarını asanlıqla yaratmaq imkanı verir. Buna görə də, hazırda 175-dən çox ölkədə 1,2 milyon satıcı ilə işləyir.
Hər nə qədər mürəkkəb e-ticarət əməliyyatları aparsa da bu platformanın interfeysi istifadəçilər üçün çox sadələşdirilib.
Shopify-da nə sata bilərəm?
Bu platformada rəqəmsaldan fizikiyə qədər geniş məhsul kateqoriyaları sata bilərsiniz:
- Onlayn dərslər, təlimlər
- Kirayə edilə bilən avadanlıqlar
- Xidmət və konsultasiyalar
- Fiziki məhsullar ( geyim, aksesuar)
- Rəqəmsal məhsullar (elektron kitablar)
Dropshipping nədir və Shopify dropshippingdən niyə istifadə etməliyəm?
Dropshipping satıcıya məhsulunu heç bir yerə daşımadan satmaq imkanı verən biznes modelidir.
Müştəri fərqli bir ölkə və ya regiondan sizin məhsulunuzu sifariş verdikdə siz sadəcə təchizatçı şirkətlə əlaqə saxlayırsız və məhsulu onlara ötürürsüz. Həmin şirkət isə məhsulunuzu birbaşa müştərinizin ünvanına təhvil verəcək.
Bir satıcı olaraq Shopify dropshippingdən istifadə etdikdə istehsal və ya göndərmə üçün cavabdehlik daşımırsınız. Bu isə ənənəvi topdansatışçıların qarşılaşdığı böyük xərclərdən sizi uzaq tutur.
Shopify dropshippingə necə başlaya bilərəm?
Sıfırdan dropshipping biznesi qurmaq sizə bir az çətin və qarışıq görünə bilər. Veb saytın dizaynı, məhsullarınızı bu saytda yerləşdirmək, ödəmə üsulları, çatdırılma və vergilər- bütün bunlar ilk başda sizi təşvişə salırsa, Shopify-ın Exchange vebsaytından istifadə edə bilərsiz.
Exchange sahibkarların elektron ticarət bizneslərini maraqlanan alıcılara satış üçün təklif etdiyi platformadır. Exchange bizə maraqlandığımız biznesin trafik və gəlir məlumatları kimi mühüm detalları görməyə imkan verir.
Məlumatları nəzərdən keçirdikdən sonra razı qaldığımız biznesin sahibkarı ilə əlaqə saxlamaq üçün platformanın özündə mövcud olan mesajlaşma sistemindən istifadə edərək, birbaşa satıcı ilə əlaqə saxlaya bilərik. Satışda olan 9,000-dən çox e-ticarət mağazası arasından mütləq ki, axtardığınızı tapacaqsız.
E-ticarətə başlamazdan əvvəl burdan etiyacınız olan bir neçə məsləhətə də göz ata bilərsiz.
5 addımda Shopify-da dropshipping biznesinə başla
Bu 5 addımı izləyərək dünyanın ən yaxşı e-ticarət platformasında öz biznesinizi qura biləcəksiz. Bununla yanaşı hər mərhələdə sizinlə maraqlı ipucuları da bölüşəcəm.
1. Shopify hesabı yaradırıq
Mağazanıza vermək istədiyiniz ad və satacağınız məhsul bəlli olduqdan sonra Shopify-da hesab yaradırıq.
Bunun üçün Shopify saytının ana səhifəsinə daxil oluruq və “Start free trial” (ödənişsiz sınaq versiyası) seçimini klikləyirik.
Bundan sonra, açılan pəncərələrdə bizim məhsul kateqoriyamız, hansı ölkədən olduğumuz, satışı hansı formada həyata keçirəcəyimizlə bağlı suallar veriləcək.
Sualların içindən sizin biznesinizi ən dəqiq təsvir edən cavabları seçdikdən sonra elektron ünvanınız və telefon nömrənizi daxil edirsiz.
Nəzərə alın ki, bu sınaq versiyanın ömrü 3 gündür. Sınaq versiya bu platformanın sizə uyğun olub-olmadığını yoxlamağa imkan verir.
Sınaq müddəti bitdikdən sonra Shopify sizə biznesinesinizin bütün xüsusiyyətlərini nəzərə alaraq qiymət təklifi çıxarır.
2. Tənzimləmələri optimallaşdırırıq
Bu hissədə sizinlə yeni yaradılmış Shopify hesabınızın parametrlərini nəzərdən keçirəcəyik.
Bununla müştərilərdən ödənişlərin alınması, mağaza siyasətinizin yaradılması və göndərmə tarifləriniz kimi önəmli məqamlar üçün bu hissə vacibdir.
Ödəniş haqqında danışaq
İlk işinizdən biri Shopify dropshipping mağazanız üçün ödəniş üsullarınızı seçmək olacaq. Ödəniş üsullarını qeyd etmədən müştərilərinizdən xidmətə görə ödəniş ala bilməyəcəksiz.
Bu hissəni tamamlamaq üçün Shopify Settings (tənzimləmələr) səhifəsinə keçid etməlisiz. Sol küncdəki “Payments” tabına daxil olaraq ödəniş məlumatlarınızı əlavə edin.
Mağaza siyasəti
Shopify dropshipping mağazasını yaradarkən diqqət etməli olduğumuz daha bir məqam var: mağaza siyasəti.
Shopify bunun üçün bizə bir neçə faydalı alət təklif edir. Bu alətlər avtomatik olaraq mağazanız üçün standartlaşdırılmış məxfilik siyasəti, geri qaytarma siyasəti və şərtlər və qaydalar yaradır.
Bu alətlərə Shopify tənzimləmələrindən daxil ola bilərsiniz. Bunun üçün “Checkout” tabına klikləyin və müvafiq sahələri tapmaq üçün aşağıya sürüşdürün.
Çatdırılma tariflərimizi təyin edirik
Shopify dropshipping mağazası yaradanda fikir verməli olduğumuz əsas nüanslardan biri də aydın tariflərimizin olmasıdır.
Yaxşı olar ki, müştərilərinizə pulsuz çatdırılma təklif edəsiz. Çünki qiymətləriniz bölgədən-bölgəyə dəyişdikcə müştəriləri çaş-baş qoya bilər.
Ən asan yol, çatdırılma xərclərini öncədən məhsulun qiymətinə əlavə edəsiz. Məsələn, əgər kitab satışı ilə məşğulsuzsa və satdığınız kitabın qiyməti $35, çatdırılma isə $5-sa, kitabı $39.95 dollara satışa çıxarın.
“Pulsuz Çatdırılma” siyasətini isə Shopify dropshipping mağazanızın marketinq strategiyası kimi istifadə edə bilərsiz.
3. Shopify dropshipping mağazası açırıq
Shopify dropshipping mağazamız üçün bütün lazımi məlumatları qeyd etdikdən sonra, Shopify admin tablosunda Sales Channels (satış kanalı) tabına keçin.
Bu hissədə “Add an online store” (onlayn mağaza əlavə et) seçiminə daxil olun. Bu mərhələ bitdikdən sonra onlayn mağazanız fəaliyyətə başlayacaq.
4. Dizayn önəmlidir
Real dünyada mağazamızın ümumi görünüşü, səliqəli və aydın piştaxtaların olması nə qədər önəmlidirsə e-mağazamız üçün də eyni qədər önəmlidir.
Müştərilər Shopify dropshipping mağazamıza göz atdıqları zaman rənglər, səliqlə və aydın başlıqlar, məntiqi ardıcıllıqla qarşılaşdıqda daha rahat alış-veriş edə biləcəklər.
Buna görə də, bu hissədə birlikdə mağazamızı dizayn etmək üçün əsas iki məqama toxunacağıq: mövzu və loqo.
Shopify-da mövzu seçmək
Shopify istifadəçilərinə geniş seçim imkanları verir. Mövzuları həm pulsuz, həm ödənişlə əldə edə bilirsiz.
Ümumilikdə 8 pulsuz, 64 ödənişli mövzu tapa bilərsiz. Mövzu seçərkən onun satmaq istədiyiniz məhsul üçün ən yaxşısı və uyğunu olduğuna diqqət etmək mütləqdir.
Mövzular telefon, planşet, kompüter ölçülərinə uyğulaşmaq üçün avtomatik olaraq ölçü dəyişə bilirlər.
Shopify mövzu ilə yanaşı pulsuz loqo hazırlanması xidmətini də təklif edir.
5. DSer və Oberlo istifadə etməyi öyrənirik
Shopify dropshipping mağazanızın dizaynını uğurla bitirdikdən sonra satışa başlamağınız üçün məhsullar əlavə etməliyik.
Çatdırılma edəcəyimiz məhsulları əlavə etmək üçün Shopify alətlərindən biri olan DSers və ya Oberlo tətbiqini quraşdırmalıyıq. Bu tətbiqlər məhsullarını fərqli yerlərə çatdırılma etmək istəyən e-ticarət sahibkarları üçün ən yaxşı alətlərdən biridir.
Hər hansı birini seçib Shopify ilə quraşdırdıqdan sonra Shopify mağazamıza kateqoriya əlavə etməliyik.
Bu kateqoriyanı satacağımız məhsulların növünə uyğun adlandıracağıq. Onlayn geyim satışı biznesinə başlamaq barədə düşünürsünüzsə, bu kateqoriyanı sadəcə “Geyim” adlandıra bilərsiz.
AliExpress və Oberlo mükəmməl inteqrasiya olunduğu üçün elə ilk gündən məhsullarınızın idxal və satışını edə biləcəksiz.
