Hal-hazırda ən effektiv reklam kanalı hansıdır deyəndə, hamının ağlına ilk facebook, instagram reklamları gəlir. Son zamanlar mənə ən çox verilən sual isə instagramda, facebookda pul çox çıxır az adam görür reklamın effektin görmürəm. Nətər edimki daha çox adam görsün.
Facebookda reklam ödənişi auksiyon formasında olduğunu yəqin bilirsiniz. Sadəcə facebook deyirəm, çünki instagramda reklamı elə facebook üzərindən edirik.
Necə edimki reklamım daha effektiv olsun ?
- İlk öncə hədəf kütlənizi tanıyın. Əgər Qara qarayevdə olan gözəllik salonunu reklam edirsinizsə, reklamınızı yalnız o ərazilərdə yaşayan klientlərinizin yaş aralığını qeyd etməklə, reklamınızı yalnız qadınlara göstərin. Və yaxud, şadlıq evi reklam edirsinizsə reklamı nişanlı olanlara göstərin çünki onlar potensial müştərilər ola bilər.
- Hədəf kütlənizə görmək istədiyini göstərin.
Əgər hədəf kütləyə göstərdiyiniz reklam hədəf kütlənin maraq dairəsində deyilsə, və o reklamı görən kimi çevirirsə reklam qiyməti avtomatik artmağa başlayır. Hədəf kütlənizə elə bir reklam göstərməlisiniz ki, o reklamı görəndə ən azından bir 5 saniyə o reklama baxsın, like edib şərh yazsın.
- Reklam kampaniyanızı mərhələlərə bölün. Əgər 500$-lıq bir reklam kampaniyası edəcəksinizsə birdən birə bütün pulları 1-2 reklama qoymayın. Kampaniyanı 3 mərhələyə bölün:
1-ci mərhələni test mərhələsi adlandıraq. Bu mərhələdə 6-7 dənə fərqli formada reklam kampaniyaları başladırıq günlük 5$ büdcə ilə.
Məsələn, hədəf kütləmizin yalnız kişilər olduğunu bilirik amma dəqiq maraqlarını, yaşını və s. təxmin edə bilmiriksə bir reklamkampaniyamızda 18-30 yaş aralığında 3-4 maraq qeyd edib şəhəri seçirik və facebookda yalnız mobildə reklam göstərməsini seçirik.
2-ci kampaniyamızda fərqli yaş aralığı seçib fərqli şəkil və ya video ilə sadəcə instagramda göstərilməsini seçirik. Belə belə 6-7 dənə fərqli reklamlar yaradırıq. Səhərisi gün reklam meneceri bölməsini açıb baxırıq görək ki, hansının effekti necədir.
Görürük ki, 3-4 dənəsindən çox pul çıxır effektivsizdir, amma arasında bir dənəsi var ki, hansıkı 5$-a hamısından çox adama göstərib və istədiyimiz effekti verib.
Əgər heç biri ürəyinizcə deyilsə yenidən 3-4 kampaniya yaradıb test edin, yox əgər o bir dənə çox ürəyinizcədirsə keçirik növbəti mərhələyə. Effektsiz olan bütün reklamlarıda söndürürük ki, boşuna pul çıxmasın.
2-ci mərhələdə test mərhələsindən ələnmiş reklamımızın orasın burasın dəyişərək ən uğurlu reklam kampaniyamızı tapmağa çalışmalıyıq.
İlk mərhələdəki ən effektiv reklamımızın 5-6 dənə oxşarın yaradırıq və hərəsində bir az dəyişiklik edirik. Birində yaşda dəyişiklik edirik, birində maraqlarda dəyişiklik edirik.
Belə belə, 5-6 dənə də 5$-lıq bu mərhələdə də reklam kampaniyaları yaratmış oluruq.
Yenə səhərisi günü effektsiz olan reklamları silib ən effektli olan reklamımızı qalib reklam elan edirik və digərlərini söndürüb bu reklamımıza geri qalan büdcəni ayırırıq. İstəsəniz hələ bu sonuncu reklam kampaniyasınında bir neçə oxşarın yaradıb test edə bilərsiniz.