Instagram-da özünüzə biznes hesab açıb, davamlı yaxşı kontent paylaşırsınız. Amma hər şeyə düzgün riayət etsəz də görürsüz ki, postların engagement-i aşağıdır. Belə hallar çox baş verir. İstənilən sosial şəbəkədə izləyici sayını organik yolla artırmaq vaxt tələb edir. Amma yenə də adam istəyir ki, bu prosesi bir az sürətləndirsin. Səhifədə izləyici sayının sürətli artmasının əsas yolu ödənişli reklamdan keçir. Əvvəlcə onu qeyd edim ki, ödənişli reklam olunan postun üstündə hədəflənmiş Instagram istifadəçilərinə postun reklam olunduğunu bildirən “Sponsored” təqi görünür.
Telefona yüklənmiş olan Instagram tətbiqində istədiyiniz postunuzun altındakı “Promote” düyməsinə klikləməklə reklama göndərmək olar. Bu proses Instagram reklamlarının sadələşdirilmiş formasıdır ki, burada daha çox seçimlər edib, paylaşımı istəyinizə uyğunlaşdırmaq olur.
Ödənişli reklam necə etməliyəm? Addım-addım.
Instagram-da biznes hesabınız varsa, bir neçə sadə addımla postları reklam etmək olur.
- Instagram tətbiqinə daxil olub, Biznes hesabına keçin.
- “Promotions”, daha sonra isə “Create Promotions” (Reklam yarat) düymələrini klikləyin.
- Reklam etmək istədiyiniz postun üzərində qalıb, ox işarəsi ilə davam edin.
- Detalları qeyd edin. Burada Instagram sizə hədəf auditoriyanı seçmək, büdcəni və reklam müddətini təyin etmək imkanlarını verir.
- “Create Promotion” düyməsini sıxın. Bundan sonra Instagram postu nəzərdən keçirib, qaydalarına zidd post olmadığını aydınlaşdırdıqdan sonra reklamı yayımlayır.
Elektron ticarət, internetdən pul qazanmağın yolları barədə daha çox faydalı məlumatlar qazanmaq istəyirsinizsə, bloqumu və Instagram hesabımı izləməyi unutmayın.
Son şərhlər